Gusinje – Mještane Gusinja iznenadilo je urušavanje krova objekta koji je star šest godina
Krov pijace u Gusinju nije izdržao pod velikim teretom snijega, pa se u ponedjeljak u kasnim popodnevnim satima urušio.Krovna čelična konstrukcija je napukla na par mjesta, a povijeđenih nije bilo.Direktor JP Komunalno Plav Mehmet Đonbaljaj kazao je „Vijestima“, da je odmah otišao na lice mjesta, ali da nije bilo spasa krovnoj konsturkciji.
„Pred mrak su me radnici obavijestili da se krov urušava i odmah sam na lice mjesta otišao zajedno sa gradonačelnikom Skenderom Šarkinovićem, da vidimo o čemu se radi.Radnici su odmah krenuli da čiste snijeg, ali je krov več bio legao“, kazao je Đonbaljaj.
Mještane Gusinja iznenadilo je urušavanje krova objekta koji je star šest godina, jer kako su istakli, u ovim mjestima ima kuća starijih i po 150 godina, a koje još odolijevaju sniježnim nametima.
Izvor: Sandžak.tv
