Mališani Abaz i Rifat otputovali za na liječenje u Tursku

0
168

Rožaje je danas bilo grad humanosti, grad koji je po ko zna koji put pokazao solidarnost prema ljudima u potrebi, grad koji je rame uz rame stao u borbi sa iskušenjem koje je zadesilo prijatelje, komšije, rodbinu, sugradjane.

Naime, nakon što je juče objavljena vijest o bolesti mališana Abaza (8) i Rifata (6) Kardovića za čije liječenje je neophodno izdvojiti čak 500.000 eura, koju roditelji nažalost nijesu u mogućnosti da obezbijede, čitav grad je ustao na noge, a vijest je brzo odjeknula i do ostalih gradova u Sandžaku i Crnoj Gori.
Kako bi se što prije obezbijedila sredstva za liječenje mališana, danas su se zaboravile razlike, vjerske, nacionalne, političke. Privatne i javne institucije, NVO organizacije, privredni subjekti i gradjani pojedinačno, svako na svoj način i onoliko koliko su u mogućnosti, dali su doprinos kako bi braća Abaz i Rifat što prije otputovali na liječenje.
Na ovaj način humani ljudi poslali su snažnu poruku ovim mladim borcima, “niste sami, ovu bitku bijemo zajedno”.
Mali heroji, nakon što je prikupljen dio sredstava otputovali su za Tursku, medjutim, prikupljanje novca se nastavlja, jer potrebna suma nije prikupljena.

Svi oni iz Srbije i ostalih zemalja u regionu, koji još uvjek nijesu a žele i mogu da daju doprinos u ozdravljenju dječaka, novčana sredstva mogu uplatiti na ziro račun koji je u objavi.

(Free Rozaje)


Sandžak PRESS pratite putem Facebook | Twitter | Android| iPhone

Stavovi iznešeni u ovom tekstu su autorovi i moguće je da isti ne predstavljaju stavove naše redakcije.
Komentari su vlastita mišljenja autora i redakcija zadržava pravo brisanja vulgarnih i uvredljivih komentara.

OSTAVITI ODGOVOR

Molimo unesite komentar!
Ovdje unesite svoje ime

Ova web stranica koristi Akismet za zaštitu protiv spama. Saznajte kako se obrađuju podaci komentara.