Berane – Predsjednik MZ Budimlja Miško Praščević kazao je da su oni tu da podsjete predsjednika Golubovića na obećanje da će smetlište biti sanirano, koje je dato 2010. godine na odluku mještana Beransela donesenu na referendumu i da se neće pomiriti da deponija bude izgrađena na nekoliko stotina metara od njihovih kuća.
– Smetlište se nalazi naspram naših kuća, a u našoj MZ nalazi se Manastir Šudikova koji je direktno ugrožen. Nećemo više da trpimo smrad koji se osjeća i u Budimlji – kazao je Praščević.
Na deponiji će se i narednih dana smjenjivati mještani beranske općine, da pruže podršku i istraju u borbi koja, kako rekoše, traje više od sedam godina.
Direktorica JP Komunalno Milijana Vučeljić kazala je da se narednih dana neće obavljati prikupljanje i odvoženje smeća iz grada zbog blokade deponije.
(Pobjeda)