30. Septembar 2010

Rožaje – Krivično vijeće Osnovnog suda kojim je predsjedavao sudija Milosav Zekić osudilo je Muarema Škrijelja (37) iz Rožaja na godinu dana zatvora zbog nasilja u porodici.

Škrijelj je osuđen jer je 16. juna oko 20 sati u mjestu Turjak pretukao suprugu Elviru Škrijelj (30) koja je tada bila u sedmom mjesecu trudnoće.
Škrijelj se trenutno nalazi u pritvoru u Bijelom Polju zbog istrage kasnijeg pokušaja ubistva supruge Elvire koje se dogodilo polovinom septembra.

Ona je supruga napustila u maju kada ju je u šestom mjesecu trudnoće isprebijao pesnicama, zbog čega je osuđen na dva mjeseca zatvora. Povratnik je potom, uz izgovor da želi da vidi djecu, otišao u katunsko naselje na Turjaku i ponovo isprebijao suprugu. Tamo se vratio prije petnaestak dana kada je umjesto batina, Elviru pokušao da “prevaspita” nožem kojim joj je zadao više uboda u predjelu stomaka, grudi i vrata. Tada je u butinu ranio i dijete koje se nalazilo u majčinoj utrobi, koje je potom rođeno carskim rezom, nakon čega je hospitalizovano u podgoričkom Kliničkom centru.

Teško povrijeđena Elvira još se oporavlja u beranskom Domu zdravlja.

Izvor: Vijesti.me

Sandžak PRESS pratite putem Facebook | Twitter | Android| iPhone



Stavovi iznešeni u ovom tekstu su autorovi i moguće je da isti ne predstavljaju stavove naše redakcije.
Komentari su vlastita mišljenja autora i redakcija zadržava pravo brisanja vulgarnih i uvredljivih komentara.

OSTAVI ODGOVOR

No more articles