Plav – U petak će biti organizovani književni susreti u osnovnim školama u Plavu, Gusinju i Murinu, a u SMŠ „Bećo Bašić“ u Plavu stihove će čitati pjesnici Blada Žurić, Sado Peričić, Rajko Joličić i Basri Ćaprići. U 19 časova biće otvorena izložba slika na temu „Savremena crnogorska umjetnost“. U 20 sati, u velikoj sali Centra za kulturu biće priređen omaž pjesniku Esadu Mekuliju. U programu, koji će voditi dramski umjetnik Ismet Šljuka, učestvovaće Sreten Perović, Basri Ćaprići, Zuvdija Hodžić i Enver Petrovci.
Za subotu je planirana organizacija centralne večeri 36. plavskih književnih susreta, pod nazivom „Poezija gostiju i zavičajnih pjesama“. Na centralnoj večeri učestvuju pjesnici iz Crne Gore, BiH i Kosova. Organizator Plavskih književnih susreta je JU Centar za kulturu Plav, a pokrovitelji su općina Plav i Ministarstvo kulture.
(Pobjeda)