Protest u Rožajama

1
39

Rožaje – Na gradskom trgu u Rožajama jučer je održan protestni skup zbog, kako je rečeno, “predugog procesa” koji se vodi protiv uhapšenih carinika i policajaca u akciji “Signal”.

Skup je organizovala rodbina pritvorenih, a prisutnima od nekoliko stotina građana obratili su se prim. dr Izet Bralić, predsjednik OO SDP Rožaja, te njegove partijske kolege Esad Plunac i dr. Arslan Dedeić, kao i Munever Kuč, advokat. Cilj protesta je izražavanje negodovanja protiv pravosudnih organa koji, kako je saopšteno, “dugo drže u zatvoru naše sinove, očeve i supružnike a da proces protiv njih još uvijek ne pokreću”. Na skupu je zatraženo od pravosudnih organa da što prije procesuiraju predmete uhapšenih koji se već četiri mjeseca nalaze u bjelopoljskom istražnom zatvoru.

Bralić je zaključio da Rožajci koji su pohapšeni prije četiri mjeseca nisu dobili šansu da kažu bilo šta u svoju odbranu.
– Tražimo da nadležni kazne krivce po zakonu, ali na spisku uhapšenih fale “krupne ribe” koje možda nisu iz Rožaja. Pred zakonom treba da budemo svi isti, a Crna Gora je država koja se bori za takve vrijednosti. Ne mogu sve akcije počinjati i završavati se u Rožajama na evropskom putu. Svako ko je kriv treba da odgovara i niko od nas neće štititi one čija se krivica dokaže. Međutim, većina Rožajaca misli da ljudi nezakonito i nedozvoljeno dugo leže u zatvoru da bi se čula njihova riječ. Nedopustivo je da se u Crnoj Gori mora štrajkovati na ulicama da bi procesi došli na dnevni red i tako što ne treba da živi u ovoj državi.

Smatram da je podrška pravdi najveći doprinos demokratiji. Svaki od privedenih – osumnjičenih čija krivica se dokaže, mora odgovarati za izigrano povjerenje koje mu je država dala, ali ne i da se ljudima drže zatvorena usta četiri mjeseca i da ne dobiju priliku da kažu nešto o onome što im se stavlja na teret. Ubijeđen sam da će ovaj protest poslati valjanu poruku i da će proces krenuti sa mrtve tačke – zaključio je Brlaić.

Kuč je izrazio zabrinutost što ni jedan branilac osumnjičenih nije prisustvovao protestu.
– Zabrinjavajuće je da se ovdje ne nalazi ni jedan od advokata u procesu koji je obuhvatio preko 20 ljudi. Neprimjereno je da sada, kada crnogosko pravosudje dobija visoke ocjene od evropske zajednice, 21 čovjek lišen slobode zbog banalnih sumnji, leži više mjeseci u pritvoru. Opšte je poznata činjenica da u njihovim radnjama nema elemenata za tako dugotrajne pritvore. Zakonski razlog što su oni i dalje u pritvoru je da navodno mogu ponoviti krivično djelu iako su ti ljudi suspendovani sa radnih mjesta. To je po meni kao pravniku banalno i ne postoje zakonski uslovi da im se produžava pritovor – ocijenjuje Kuč, i apeluje na prvosudne organe da uhapšenima ekspresno ukinu pritvor.

– Slobode je lišeno preko 20 naših građana, a simptomatično je da je iz svake njihove porodice više od 90 odsto članova podržalo samostalnost Crne Gore. Boli to što je u policijskoj akciji o razotkrivanju carinskog i policijskog kriminala obuhvaćen samo carinski prelaz Dračenovac. CG jeste mala ali imamo barsku luku i Dobrakovo gdje je mnogo, mnogo veći protok robe i kapitala. Svi znamo da se na Dračenovcu prenosi polovan namještaj, šporeti, cegeri a u barskoj luci je riječ o milionskim ciframa ali policijski organi tamo ne sprovode akcije, ikao je Veselin Veljović obećao javno da će biti obuhvaćeni svi prelazi. Međutim, nigdje osim na Dračenovcu, ni prstom nisu mrdnuli – kazao je Kuč.

Plunac je rekao da Rožajci, iako najlošije žive ne samo u Crnoj Gori već i u regionu, najviše vole Crnu Goru što su dokazali na referendumu i potom.

– Ali oni nisu glasali na referendumu da prekonače u CG samo jednu noć. Mi se nijesmo odrekli naše braće u Srbiji ni na Kosovu ni naših imanja u tim zemljama. Predugo traje proces protiv naših sugrađani to je nedopustivo. Nijesmo ovdje da sudimo već tražimo odgovor od suda i države zašto procesi prema Rožajcima, koji su na prvom mjestu po siromaštvu i po broju onih koji su otišli van granica Crne Gore a i na prvom mjestu su po brojnosti onih koji leže u zatvorima, ovoliko dugo traju – kazao je Plunac ističući da je riječ o poštenim i časnim ljudima koji potiču iz dobrih familija.

Solidarišući se kako je istakao “sa patnjama” porodica uhapšenih Dedeić je kazao da bi Rožajci trebalo da žive dobro kao svi stanovici graničnih pojaseva u Evropi.

– Glasajući za nezavisnost Crne Gore očekivali smo da će nam granica donijeti dobro, a ne probleme. Insistiramo da pohapšeni dobiju šansu da govore u svojoj odbrani. Tražimo da sudstvo bude jednako korektno prema svim građanima Crne Gore, a da granice budu transparentne – poručio je Dedeić.

Iako je najavljen Dragan Garović, profesor, nije se pojavio na bini.

Voditelj programa Muamer Kujević zamjerio je lokalnoj vlasti koja nije našla za shodno da pošalje svog predstavnika koji bi uputio riječi podrške porodicama uhapšenih sugrađana. On je, obraćajući se prisutnima, na račun lokalnih vlasti uputio pogrdnu rečenicu “sram ih bilo”.

Na transparentima koji su se juče mogli vidjeti u centru Rožaja, pisalo je “Zasto Rožaje”, “Nisu naša djeca ratni zločinci da se prema njima tako ophodi”, “Nije to Rožaje zaslužilo”, “Pustite nam roditelje”, “Hvala vam na znanju”, “Naš reis nije političar, ali zato ima srca”, “Gdje je demokratija”, i “Hoćemo pravdu”.

Izvor: BosnjackiSavez.org


Sandžak PRESS pratite putem Facebook | Twitter | Android| iPhone

Stavovi iznešeni u ovom tekstu su autorovi i moguće je da isti ne predstavljaju stavove naše redakcije.
Komentari su vlastita mišljenja autora i redakcija zadržava pravo brisanja vulgarnih i uvredljivih komentara.

1 komentar

  1. Bila je zima,hladno,1994.Uhapsili su ljude insane zatvorili su postena i neduzna covjeka,vodili su ga gdje su htjeli, radili snjim sta im je srcu drago,tukli,batinali,da niko nije pokusao da im kaze
    molimo te Milo britva nemoj nas biti slusacemo vas pendrek, cizmu samo nemojte paliti nase dzamije.nemoj te ga tuci mi imamo samo njega obecavamo slusacemo ,odrekli smo se sve sto nam je sveto.ZA ove gore se i zna gdje su ,a za mucenika niko ni da pita ,pa je covjek odlezao 17 mjeseci u Foci.Tih dana bio sam u Sandzaku, u Rozaju nikog nisam vidio od vas ,samo uvazenog casnog profesora Sefketa Krcica,u kratkom razgovoru,on je bio ljut,psovao, galamio,vikao ali opet nemocno, nikog nije bilo od vas.Nastavio sam put na ono brdo vi Rozajci a i svaki Bosnjak, Sandzaklija, trebalo bi znati cija je to kuca, to je kuca najveceg sina juznog Sandzaka.
    Imao ,je i on tada Baba svog, i staru majku, i zenu i djecu ,nisam vidio nikog od vas. Draga braco nemoj te ici pod tudim zastavama ,kad imamo nasu Bosnjacku, Sandzacku, nemoj da vas plase pendrekom, cizmom, ANB spijunima udba dzandarmerija razni Kurtagici, kurpejovici, Nuhodzici, Rastoderi, itd. Ima ih puno ali mi na kraju cemo pobjedit.Jedan pametan covjek kaze neka majka bolja ,a neka gora al majka se voli , BOSNA je nasa majka . ali je zaboravio da kaze da se BABO najvise postuje i puno, voli.SANDZAK je nas BABO nemoj te to nikada zaboravit.Trazite pravdu od koga katilja din dusmanina Mila dukanovica moze njega cijela Evropa amnestirat i ovi poltroni sto sam ih naveo, od genocida , a mi obicni ljudi koji volimo svoju MAJKU i svog BABA nikada zaboravit i oprostit, kad tad morace ici u Hag.Vidim zalite se da lose zivite najgore u regionu zna se da kockari igraju da bi dobili a na kraju izgube sve. A mi smo svog BABA dali din dusmanima na poverenje pa zato sad nemamo kuce ,ni garsonjere nismo ni uhodniku, nismo nigdje ni na nebu ni na zemlji, biju nas kad hoce sutiraju kad hoce,mi smo im zahvalni na tome. Draga braco spominjete nekog reisa i da ima dobro srce. Slusajte upamtite dobro samo je jedan REISULEMA u nasem BOSNJACKOM korpusu a to je HADZI EFENDIJA REIULEMA MUSTAFA CERIC. I jedan je MUFTIJA SANDZACKI EFENDIJA MUAMER ZUKURLIC,allah se smilovao na njega on je nama sve, on je nasa svetinja,ovo je poruka svim dusmanima onim u PODGORICI i BEOGRADU mogu uzet zilkica pa neka igraju sotu.Stigao sam do kuce nazvao selam, poceli smo razgovor, star covjek, bistar,ostar, hrabar,pravi BOSNJAK vjernik nije se uplasio za sudbinu svoga sina kada je silna dzandarmerija, udba pendreci, dzipovi, cizma, stari gazija nije se dao zastrasit,on im je rekao, HARUN HADZIC NE KOPA SVOJ MEZAR ON KOPA NOVE TEMELJE SANDZAKA.Ja sam kratko odgovorio AKO BOGDA.Draga braco, nemoj te zamjerit volim vas puno viste stub juznog dijela SANDZAKA .Neka nam zivi nas BABO ,a za ostalo sve cemo lako. Svojom rukom napisao, vise struki sampion u kick boksu i clan reprezentacije ex JUGOSLAVIJE, SENAD MUSTAFE MUMINOVIC. P. S. U mojoj dusi je jedna jedina, domovina BOSNA. U srcu je SANDZAK . A u mojim venama tece TUZANSKA krv.

    ne

    nastavio

OSTAVITI ODGOVOR

Molimo unesite komentar!
Ovdje unesite svoje ime

Ova web stranica koristi Akismet za zaštitu protiv spama. Saznajte kako se obrađuju podaci komentara.